Afisa Habari na Msemaji wa klabu ya Simba Haji Manara leo atakuwepo uwanja wa Majaliwa pale Ruangwa kunogesha sherehe za kukabidhiwa ubingwa wa ligi kuu ya Vodacom kwa msimu wa tatu mfululizo
Wakati mji wa Ruangwa ukiendelea kupambwa kwa rangi nyeupe na nyekundu kuelekea shamrashamra hizo, Manara amewahakikishia Wanamsimbazi kuwa wataendelea kusherehekea ubingwa wa ligi kuu kwa miaka mingine saba
"Leo tunakwenda kukabidhiwa kombe kwa msimu wa tatu mfululizo. Ahadi yetu iko palepale, tutalibeba kwa miaka 10 mfululizo, hivyo tataendelea kusherehekea ubingwa kila mwaka kwa miaka mingine saba," alisema Manara
Shamrashamra za Simba kukabidhiwa ubingwa zinatarajiwa kuanza saa 11 jioni baada ya kukamilika kwa mchezo dhidi ya Namungo uliopangwa kuanza saa tisa Alasiri
