Mabingwa wa nchi, Simba jioni ya leo Jumapili wanatarajiwa kushuka kwenye uwanja wa Nangwanda Sijaona mkoani Mtwara kumenyana na wenyeji wao Ndanda Fc katika mchezo wa ligi kuu ya Vodacom
Simba itaingia dimbani kuwakabili Wana kuchele hao bila ya presha kwani tayari 'wameshasepa' na ubingwa kwa msimu wa tatu mfululizo
Aidha Kocha Mkuu Sven Vandenbroeck huenda akatumia mchezo huo kuwapa nafasi baadhi ya wachezaji ambao wamekosa muda wa kuonyesha uwezo wao mara kwa mara kwenye kikosi cha kwanza
Ni kwa kuwa mchezo huu ni wa heshima tu kwao
Baada ya mchezo huo Simba itaelekea Ruangwa kule Lindi kuikabili Namungo Fc Julai 09 katika mchezo ambao utawashuhudia mabingwa hao wa nchi wakikabidhiwa ubingwa wao
Simba itakabidhiwa taji la ligi kuu moja kwa moja baada ya kulitwaa misimu mitatu mfululizo
