Kinara wa ufungaji Ligi Kuu Tanzania Bara, Medie Kagere amesema moja ya sababu zinazoifanya timu yake kupata matokeo ni pamoja na kupata mshahara na posho kwa wakati kitu kinachowapa wachezaji hamasa ya kufanya vizuri
"Mshahara unapatikana kwa muda kwa hiyo huwezi kuwa na mawazo. Tunapata bonus ambazo zinatusaidia sana kutupa hamasa," amesema Kagere
Kagere anaongoza orodha ya wafungaji kwenye ligi akiwa na mabao 19 huku zikiwa zimebaki mechi sita, pengine anaweza kufanikiwa kuwa mfungaji bora wa ligi kwa msimu wa pili mfululizo
"Nashukuru msimu wangu wa kwanza hapa nilikuwa mfungaji bora na sasa hivi ligi bado haijaisha lakini naamini mambo yatakuwa mazuri. Kwangu ni changamoto, kwa sababu ukifanikiwa kufanya vizuri inakupa hamasa ya kuendelea kufanya vizuri zaidi"
