Kikosi cha mabingwa wa soka Tanzania Bara, Simba kimeondoka mapema leo kuelekea mkoani Mtwara tayari kwa mchezo wa ligi kuu dhidi ya Ndanda Fc ambao utapigwa Jumapili kwenye uwanja wa Nangwanda Sijaona
Huo ni mchezo wa kukamilisha ratiba tu kwa Simba kwani tayari wameshatwaa ubingwa kwa msimu wa tatu mfululizo
Baada ya mchezo huo, Simba itaelekea mkoani Lindi, kule Ruangwa kuifuata Namungo Fc katika mchezo ambao Simba itakabidhiwa kombe lake
Kocha Sven Vandenbroeck anatarajiwa kutumia mechi hizi kuwapa nafasi baadhi ya wachezaji ambao wamekuwa hawachezi mara kwa mara kwenye kikosi cha kwanza
Lakini pia ni mechi ambazo zitatumika kama sehemu ya maandalizi kuelekea mchezo wa nusu fainali kombe la FA dhidi ya Yanga ambao utapigwa Jumapili, Julai 12 2020
