Mkude kamili kuivaa Azam Fc

Kiungo fundi wa Simba Jonas Mkude amerejea kikosini baada ya kumaliza adhabu ya kufungiwa michezo miwili

Aidha nyota huyo pia amepona majeraha yaliyomuweka nje kwa takribani wiki mbili na hivyo anaweza kuwa sehemu ya kikosi kitakachoivaa Azam Fc leo kama itampendekeza kocha Sven Vandenbroeck

Kuelekea mchezo huo Sven amesema vijana wake wako tayari kusaka matokeo yatakayowapeleka nusu fainali ya michuano hiyo

"Wachezaji wote wapo kwenye hali nzuri, tunajua Azam ni timu imara, ingawa tumeifunga katika mechi tatu zote zilizopita lakini bado haitufanyi tujisikie itakuwa rahisi tumejipanga kuhakikisha tunashinda,"amesema

Ushindi katika mchezo wa leo utawahakikishia Simba kukutana na Yanga kwenye mchezo wa nusu fainali