Mwekezaji wa klabu ya Simba Bilionea Mohammed Dewji 'Mo' amewapa nafasi mashabiki wa Simba kutoa maoni yao kuhusu jambo ambalo wangependa kuona linafanywa na klabu yao pendwa msimu ujao
Kupitia kurasa zake za mitandao ya kijamii, Mo amewauliza mashabiki kuwa ni kitu gani wangependa kuona Simba inafanya msimu ujao
Juzi baada ya Simba kutwaa ubingwa wa tatu mfululizo ligi kuu ya Vodacom, alisema kuwa wanahitaji kuendeleza moto huo kwenye michuano ya ligi ya mabingwa Afrika msimu ujao
"Huu ni ushindi wetu sote. Nawapongeza na kuwashukuru wachezaji, benchi la ufundi, wajumbe wa bodi, viongozi, wanachama, mashabiki, na wapenzi wote wa SIMBA. Safari inaendelea! Tuendeleze mshikamano ili kuweza kushindana kwa kiwango cha juu kwenye Klabu Bingwa Afrika," alisema
Ni jambo gani WanaMsimbazi tungependa lifanyike ili kuhakikisha msimu ujao Simba inavuka robo fainali ya michuano ya ligi ya mabingwa, hatua ambayo iliishia mwaka juzi?
