Kiungo wa Simba Ibrahim Ajibu ameelezea furaha yake baada ya kutwaa ubingwa wa ligi kuu ya Vodacom msimu huu
Ajibu aliondoka Simba mwaka 2017 kujiunga na Yanga ambayo aliitumikia miaka miwili bila ya kutwaa taji lolote huku Simba ikishinda mataji mawili ya ligi kuu
Msimu uliopita akarejea klabu ya Simba kwa heshima na hatimaye ameweza kuwa sehemu ya kikosi kllichotwaa ubingwa wa tatu mfululizo ingawa kwake ni taji la kwanza
"Nimefurahi kwa mafanikio haya tuliyopata msimu huu. Kwangu binafsi nilikuwa na kiu kubwa ya kutwaa ubingwa. Niliondoka kwa heshima na nimerudi kwa heshima mahali nilipokuzwa, nimefanikiwa kutimiza ndoto zangu kwa kutwaa taji la heshima la Ligi Kuu, asanteni mashabiki wa Simba, " alisema Ajibu
Ajibu alikuwa sehemu ya kikosi kilichoanza mchezo dhidi ya Tanzania Prisons ambao uliwapa Simba ubingwa wao wa tatu mfululizo licha ya kulazimishwa suluhu ya bila kufungana
Simba sasa imeelekeza nguvu kwenye mchezo wa robo fainali kombe la FA dhidi ya Azam Fc ambao utapigwa uwanja wa taifa
