Mwenyekiti wa Bodi ya wakurugenzi ya klabu ya Simba, Mohamed Dewji pamoja na wajumbe wa Bodi ya wakurugenzi wamekubaliana kuwa zawadi ya ubingwa wa ligi kuu Tanzania Bara (Milioni 87) watapewa wachezaji na viongozi wa bechi la Ufundi kugawana.
Aidha, Mo amejitolea Milioni 200 kwa wachezaji na viongozi wa bechi la Ufundi Kama zawadi yake kwa kutwaa ubingwa wa ligi kuu.
Fedha nyingine ambazo wachezaji wa Simba watapata ni Milioni 100 kutoka Sportpesa ikiwa ni matakwa ya kimkataba. -
Pia Fetty Dewji kupitia udhamini wa Mo Energy na Mo Halisi watatoa zawadi ya Milioni 75, wadhamini wa kutengeneza Jezi za Klabu ya Simba Kampuni ya Uhlsport wao watatoa milioni 50 Kama zawadi ya kutwaa ubingwa wa ligi kuu Tanzania Bara (2019/20)
Fedha hizo zote Bodi imedhamilia wapewe wachezaji na viongozi wa bechi la Ufundi
Jumla ya Fedha Milioni 512 ambapo kama utafanyika mgawo sawa, kiila mchezaji na Kiongozi wa bechi la Ufundi atapata Milioni 12.8
