Mwenyekiti wa Bodi ya Ligi Steven Mguto amesema wamepanga kuikabidhi Simba ubingwa wake katika mchezo wa mwisho katika hafla ambayo itaambatana na shamrashamra za kufunga msimu
Hata hivyo Mguto amesema uongozi wa klabu ya Simba unaweza kupeleka maombi kama wangependa kukabidhiwa ubingwa wao mapema kabla ya Julai 26
Juzi baada ya ushindi dhidi ya Mbeya City, Mwenyekiti wa Bodi ya Wakurugenzi Simba Bilionea Mohammed Dewji 'Mo' aliwauliza mashabiki wa Simba kuwa wangependa lini wakabidhiwe ubingwa
Mtendaji Mkuu wa Simba Senzo Mazingisa, amesema viongozi watakutana kufanya uamuzi iwapo wasubiri mpaka siku ya mwisho ya kumaliza msimu au waombe kukabidhiwa kombe lao mapema
Simba inaweza kutwaa ubingwa keshokutwa Jumapili kama itaifunga Tanzania Prisons hivyo kusubiri mwezi mmoja zaidi ili kukabidhiwa kombe ni jambo ambalo mashabiki wengi hawaliungi mkono
