Kikosi cha Simba leo kimejifua katika uwanja wa Sokoine yakiwa ni maandalizi kuelekea mchezo dhidi ya Tanzania Prisons ambao utapigwa keshokutwa Jumamosi
Mshambuliaji Miraji Athumani alikuwa miongoni mwa nyota waliojumuika katika mazoezi hayo yaliyoanza mapema asubuhi
Akizungumza baada ya mazoezi, Miraji alisema ari ya wachezaji iko juu wakiwa na shauku kubwa ya kumaliza kazi siku ya Jumamosi
"Tuko vizuri, malengo yetu ni kuhakikisha tunapata ushindi dhidi ya Prisons na kuwa mabingwa. Litakuwa jambo la furaha kwangu kushinda ubingwa nikiwa na klabu ya Simba," alisema
Aidha akizungumzia kukataliwa kwa bao lake alilofunga kwenye mchezo dhidi ya Mbeya City, Miraji ameeleza kuwa mpaka sasa hajaelewa kwa nini bao lile lilikataliwa
"Kiukweli niliumia sana baada ya bao lile kukataliwa kwani nilidhani nimejiongezea hesabu katika mabao yangu ya msimu huu. Lakini waamuzi ndio wenye kauli ya mwisho"
Kabla ya kupata majeraha yaliyomuweka nje kwa muda mrefu, Miraji aliifungia Simba mabao sita, idadi ambayo imeendelea kubaki hivyo baada ya bao lake kukataliwa
