Kuelekea mchezo dhidi ya Tanzania Prisons, mashabiki wa Simba kutoka maeneo mbalimbali wameianza safari kuelekea mkoani Mbeya kushuhudi mchezo huo ambao unaweza kuihakikishia Simba ubingwa wa tatu mfululizo
Kumekuwa na wasiwasi kuwa mashabiki wanaweza kupigwa marufuku kama ulivyokuwa uwanja wa Jamhuri mkoani Dodoma baada ya mchezo kati ya JKT Tanzania dhidi ya Yanga
Aidha idadi ya mashabiki waliojitokeza jana kwenye mchezo dhidi ya Mbeya City, imewaweka hatarini Mbeya City kuzuiwa kucheza bila ya mashabiki
Huenda Simba italazimika kusubiri mpaka Julai 16 kukabidhiwa taji lake kwenye uwanja wa Taifa watakapocheza na Mbao Fc
Shamra shamra hizo ni wazi zitapelekwa uwanja wa Taifa kwa kuwa uwanja huo ni mkubwa na utamudu 'nyomi' la mashabiki ambao watajitokeza kuwa sehemu ya kumbukumbu ya ubingwa wa tatu mfululizo
