Wakati sakata la winga wa Yanga Bernard Morrison likizidi kushika kasi, Bodi wa kitengo cha habari na Mawasiliano klabu ya Simba Haji Manara, amesema kwa sasa sio wakati wa kuzungumza masuala ya usajili kwani akili yao iko kwenye ubingwa
Jana Morrison alikana kusaini mkataba mpya na Yanga na kusisitiza kuwa ataondoka katika klabu hiyo mwezi Julai pale mkataba wake wa miezi sita
Manara amesema wanahabari wamekuwa wakiwatumia jumbe mbalimbali wakitaka wafunguke kuhusu mchezaji huyo kudaiwa kumalizana na mabingwa hao wa nchi
"Nimeamka asubuhi naona sms nyingi za Wanahabari kuhusu mahojiano ya Mwandishi Saleh Ally na mchezaji mahiri wa timu moja nchini, wengi walitaka maoni ya Simba kuhusu mahojiano yake. Niwaambie akili yetu kwa sasa ipo katika ubingwa, wakati wa kuzungumza sarakasi za usajili kwetu sisi bado, sasa tunawaza kikombe chetu tutakichukua lini? Njoo Sokoine Stadium Saa kumi kuona Wafalme wa Soka wa nchi hii," amesema
Saa kumi jioni Simba itashuka kwenye uwanja wa Sokoine kuumana na Mbeya City katika mchezo ambao ushindi utaisogeza Simba karibu na ubingwa wa tatu mfululizo
