Kocha Mkuu wa Simba Sven Vandenbroeck ametaka timu yake ipate mchezo mwingine wa kirafiki kabla ya kuivaa Mwadui Fc siku ya Jumamosi kwenye mchezo wa ligi
Mbelgiji huyo amesema wiki mbili za maandalizi hazikutosha ukilinganisha na muda mrefu ambao wachezaji walikaa nyumbani bila ya kucheza mpira
"Nahitaji tucheze mechi nyingine ya kirafiki kabla ya mchezo wetu ujao wa ligi. Tunachohitaji wachezaji wetu wawe tayari kama ilivyokuwa kabla ya kusimama kwa ligi," Sven alinukuliwa na tovuti ya Simba
"Nataka kila mchezaji apate dakika 70 au 90 ndiyo maana wachezaji ambao hawakucheza dhidi ya Ruvu niliwapanga kwenye mchezo wa kirafiki dhidi ya Transit Camp asubuhi yake kwa hiyo kila mmoja amepata muda mwingi wa kucheza"
Mchezo dhidi ya Mwadui Fc utapigwa keshokutwa Jumamosi kwenye uwanja wa Taifa
