Beki kiraka wa Simba Erasto Nyoni amesema ataendelea kuisaidia timu yake kuhakikisha inafanya vizuri na kufikia malengo yake
Nyoni akiwa katika msimu wake wa tatu na klabu ya Simba, amesema bado anajihisi kuwa na deni kubwa katika klabu hiyo aliyojiunga anyo mwaka 2017 akitokea Azam Fc
Aidha Nyoni amesema bado yuko fiti na atahakikisha anawanyamazisha wale wote wanaosema wakati wake umemalizika
"Mimi niko vizuri, naendeleza kutimiza majukumu yangu kama kawaida. Wanaosema mimi ni mzee siwezi kuwajibu nitawajibu uwanjani halafu wao wenyewe ndio watasema kama ni mzee au la," alisema Nyoni
Kumekuwa na maoni kutoka kwa mashabiki ambao wengine wamependekeza kwa uongozi wa Simba kutumia dirisha la usajili litakalofunguliwa August kuboresha safu ya ulinzi ambayo kwa sasa inawategemea zaidi wakongwe Nyoni na Paschal Wawa
