Kocha mpya wa Simba Pierre Lechantre leo ameanza rasmi kukinoa kikosi cha Simba baada ya kusaini mkataba wa miaka miwili kuchukua mikoba ya Joseph Omog aliyetimuliwa hivi karibuni.
Baada ya kutimuliwa Omog wakati ikifanya mchakato wa kupata kocha mpya, Simba ilikabidhiwa mikononi mwa kocha msaidizi Masudi Djuma.
Kocha huyo raia wa Burundi alifanya marekebisho makubwa ya mfumo wa uchezaji kwa kikosi chake kutoka ule 4-4-2 au 4-3-3 wa Omog na kutumia 3-5-2.
Awali mfumo huo ulionekana kuwasumbua wachezaji hadi kupelekea kufanya vibaya kwenye michuano ya kombe la Mapinduzi.
Hata hivyo sasa wachezaji wanaonekana kufahamui filisofia ya mfumo huo kwani matunda yake yameanza kuonekana kwenye ligi.
Djuma ameiongoza Simba kwenye michezo mitatu ya ligi na Simba imeshinda michezo yote bila ya kuruhusu hata bao moja.
Ilianza kuilaza Ndanda Fc mabao 2-0, ikaja ikaichapa Singida United 4-0 na juzi kuilaza Kagera Sugar mabao 2-0 na kuendelea kujikita kileleni mwa msimamo wa ligi kwa tofauti ya alama mbili dhidi ya Mtibwa Sugar.
Mjadala uliozuka miongoni mwa mashabiki wa Simba ni hofu ya kuvurugika kwa mwendelezo wa ushindi uliowekwa na Djuma baada ya kuanza kutumia mfumo wa 3-5-2 ambao sasa unaeleweka vizuri na wachezaji.
Lechatre hana kawaida ya kutumia mfumo wa wachezaji watatu nyuma na haifahamiki kama atakuwa tayari kutumia mfumo ambao mwenyewe haupendelei.
Wapo waliokwenda mbali na kushauri ingekuwa vyema kama Djuma angeachwa aiongoze Simba mpaka mwishoni mwa msimu halafu Lechantre akakabidhiwa timu mwezi Juni.
Hata hivyo kwa CV ya Lechantre hakuna haja ya kuwa na hofu yoyote.
Tayari ameelezea kuvutiwa na uchezaji wa Simba hivyo anaweza kuendeleza alipoishia Djuma. Amesema Simba inakosa kasi tu na hiyo ndiyo kazi yake ya kwanza kuhakikisha anaongeza kasi katika kushambulia.
Baada ya kutimuliwa Omog wakati ikifanya mchakato wa kupata kocha mpya, Simba ilikabidhiwa mikononi mwa kocha msaidizi Masudi Djuma.
Kocha huyo raia wa Burundi alifanya marekebisho makubwa ya mfumo wa uchezaji kwa kikosi chake kutoka ule 4-4-2 au 4-3-3 wa Omog na kutumia 3-5-2.
Awali mfumo huo ulionekana kuwasumbua wachezaji hadi kupelekea kufanya vibaya kwenye michuano ya kombe la Mapinduzi.
Hata hivyo sasa wachezaji wanaonekana kufahamui filisofia ya mfumo huo kwani matunda yake yameanza kuonekana kwenye ligi.
Djuma ameiongoza Simba kwenye michezo mitatu ya ligi na Simba imeshinda michezo yote bila ya kuruhusu hata bao moja.
Ilianza kuilaza Ndanda Fc mabao 2-0, ikaja ikaichapa Singida United 4-0 na juzi kuilaza Kagera Sugar mabao 2-0 na kuendelea kujikita kileleni mwa msimamo wa ligi kwa tofauti ya alama mbili dhidi ya Mtibwa Sugar.
Mjadala uliozuka miongoni mwa mashabiki wa Simba ni hofu ya kuvurugika kwa mwendelezo wa ushindi uliowekwa na Djuma baada ya kuanza kutumia mfumo wa 3-5-2 ambao sasa unaeleweka vizuri na wachezaji.
Lechatre hana kawaida ya kutumia mfumo wa wachezaji watatu nyuma na haifahamiki kama atakuwa tayari kutumia mfumo ambao mwenyewe haupendelei.
Wapo waliokwenda mbali na kushauri ingekuwa vyema kama Djuma angeachwa aiongoze Simba mpaka mwishoni mwa msimu halafu Lechantre akakabidhiwa timu mwezi Juni.
Hata hivyo kwa CV ya Lechantre hakuna haja ya kuwa na hofu yoyote.
Tayari ameelezea kuvutiwa na uchezaji wa Simba hivyo anaweza kuendeleza alipoishia Djuma. Amesema Simba inakosa kasi tu na hiyo ndiyo kazi yake ya kwanza kuhakikisha anaongeza kasi katika kushambulia.
ADVERTISE HERE
