Simba yapambana kumrejesha Shiboub

Licha ya mipaka ya nchi ya Sudan kuwa bado imefungwa kutokana na changamoto ya ugonjwa wa corona, habari nje kwa mashabiki wa Simba ni kuwa, nyota huyo anaweza kuwasili nchini ndani ya siku mbili au tatu

Afisa Habari wa mabingwa hao wa nchi, Haji Manara, amefichua kuwa uongozi wa timu hiyo umelazimika kutafuta utaratibu mwingine wa kuweza kumsafirisha

"Kama klabu, tumefanya jitihada za kuhakikisha tunamrejesha Shiboub kwa njia nyingine kutokana na mipaka ya nchi ya Sudan kuendelea kufungwa. pengine ndani ya siku mbili au tatu zijazo huenda akawa ametua nchini," Manara aliiambia Wasafi FM radio

Shiboub ni mchezaji pekee ambaye bado hajajiunga na kikosi cha Simba baada ya fundi Clatous Chama kuwasili mwishoni mwa wiki