Kocha Mkuu wa Simba Sven Vandenbroeck amesema kikosi chake kimeimarika na kiko tayari kwa mikiki mikiki ya ligi kuu ya Vodacom itakayoendelea kuanzia Jumamosi ijayo
Mbelgiji huyo ameeleza kuridhishwa na kiwango kilichoonyeshwa na wachezaji kwenye mechi mbili za kirafiki juzi
"Nilifurahishwa na viwango vya wachezaji katika mechi tulizocheza. Sizungumzii matokeo, kikubwa ni jinsi wachezaji walivyocheza na kuweza kushinda"
"Nadhani kwa kiasi wachezaji wameonyesha wako tayari kuendeleza pale tulipoishia wakati ligi inasimama. Tutawaongezea mbinu zaidi kabla ya mechi yetu dhidi ya Ruvu Shootinga," amesema
Sven ameendelea kuwanoa wachezaji wake kuelekea mchezo dhidi ya Ruvu Shootinga ambao utakuwa wa kwanza kwa mabingwa hao wa nchi baada ya ligi kurejeshwa
