Kocha Msaidizi wa Simba Selemani Matola amesema juzi waliamua kucheza mechi mbili za kirafiki katika siku moja ili kupima utimamu wa wachezaji baada ya mazoezi ya takribani siku 10
Juzi asubuhi Simba ilicheza dhidi ya Transit Camp na kushinda mabao 4-2 na jion yake ikacheza na KMC pia ikaibuka na ushindi wa mabao 3-1
Matola amesema mechi hizo waliziandaa siku moja kwa lengo hilo la kuangalia utimamu wa wachezaji kabla ya mchezo dhidi ya Ruvu Shooting ambao utapigwa Uwanja wa Taifa, Jumapili ijayo
"Tuna kikosi kipana ndio maana tuliandaa michezo ile ndani ya masaa kumi ili kuangalia ni kwa kiasi gani kila mchezaji ameimarika baada ya kufanya mazoezi kwa wiki nzima," alisema Matola
"Mchezo dhidi ya KMC ulikuwa mzuri zaidi kwetu kwani walitupa ushindani mkubwa lakini mwisho wa siku tuliweza kuibuka na ushindi"
Matola amesema kikosi chao kiko tayari akiwataka mashabiki wa Simba kujitokeza kwa wingi uwanja wa Taifa siku ya Jumapili kushuhudia burudani kutoka kwa timu yao
