Mshambuliaji hatari wa Simba Meddie Kagere amesema halikuwa jambo jepesi kwake kufunga mabao 19 msimu huu mpaka sasa
Kagere ambaye msimu uliopita aliibuka mfungaji bora baada ya kufunga mabao 23, anaelekea kushinda kiatu cha dhahabu kwa msimu wa pili mfululizo akiwa amefunga mabao nane zaidi ya wachezaji wanaomfuata
"Msimu huu haukuwa rahisi kwangu. Kuna wakati nilikuwa nashindwa kufunga kwa sababu mabeki wananikamia sana. Kila wanaponiona kikosini, huwa wanakamia kuhakikisha sifungi"
"Wengine huwa wanapeana majukumu kwa ajili ya kunifuatilia kila nilipo uwanjani. Naifurahia hali hiyo kwani ikitokea napata nafasi sifanyi makosa," amesema Kagere
Kagere aliyetua Simba misimu miwili iliyopita akitokea klabu ya Gor Mahia ya Kenya, anapigiwa chapuo kuvunja rekodi ya mida wote ligi kuu ya Tanzania Bara
Rekodi hiyo ya mabao 26, inashikiliwa na Mohammed Hussein mkongwe aliyewahi kutamba miaka ya tisini akicheza timu za Yanga na Majimaji
Kagere anahitaji kufunga mabao saba tu kutoka mechi 10 zilizosalia kuweza kuifikia rekodi hiyo
