TFF yaruhusu mechi za kirafiki, uwanja wa Mo Simba Arena wazuiwa

Shirikisho la Soka Tanzania TFF limeruhusu michezo ya kirafiki kuendelea kwa masharti ya kuzingatia mwongozo uliowekwa kuhusu tahadhari dhidi ya maambukizi ya Corona

Jana usiku shirikisho hilo liliweka zuio kwa michezo hiyo mpaka litakapokutana na vilabu vya Simba, Yanga, Azam, KMC na Transit Camp, kikao ambao umefanyika leo na mwafaka kufikiwa

Hata hivyo TFF imeizuia klabu ya Simba kutumia uwanja wa Mo Simba Arena kwa ajili ya michezo ya kirafiki kwa kuwa uwanja huo bado hauna eneo la kuweka mashabiki na hivyo uendelee kutumika kwa ajili ya mazoezi tu