Jana katika mchezo wa pili wa kirafiki dhidi ya KMC, kiungo fundi wa Simba Jonas Mkude alipata majeraha ambayo yalimlazimu kukimbizwa Hospitali ya Rabininsia Memorial
Kwenye mchezo huo, Simba iliibuka na ushindi wa mabao 3-1 ikiwa ni mchezo wa pili kwa siku ya jana ambapo asubuhi Simba ilicheza mchezo mwingine na kuibuka na ushindi wa mabao 4-2
Habari njema ni kuwa Mkude tayari ameruhusiwa kutoka Hospitalini ambapo Daktari wa kikosi cha Simba Yassin Gembe amesema atafanyiwa vipimo zaidi kubaini ukubwa wa majeraha aliyopata
"Mkude kwa sasa anaendelea vizuri na ametoka hospitali, isipokuwa anahitaji kufanyiwa vipimo zaidi," Dk Gembe aliiambia tovuti ya klabu ya Simba
Hivi karibuni Mkude alitahadharisha kuhusu uwezekano wa wachezaji kupata majeraha pale ligi itakaporejea baada ya kuwa nje kwa zaidi ya miezi miwili kutokana na ugonjwa wa corona
Tunamtakia kila la kheri aweze kupona haraka na kurejea kwa wakati kuendelea na majukumu yake
