Mlinzi kiraka wa Simba Haruna Shamte amemtaja kiungo Francis Kahata kuwa ni mchezaji mwenye kipaji cha hali ya juu
Shamte amemtaja Kahata kuwa mchezaji mwenye vitu adimu uwanjani, lakini pia ni mchezaji mcheshi na anayependa kushirikiana na wenzake
"Ni mchezaji mwenye kipaji sana na mwenye uwezo mkubwa uwanjani. Pia ni mcheshi sana na anayependa kutoa ushauri kwa wenzake," amesema Shamte
Mchango wa nyota huyo kwenye kikosi cha Simba umeonekana mapema kwenye msimu wake wa kwanza mpaka sasa akiwa ametupia mabao matano na kutoa pasi tano za mabao
Kahata alijiunga na Simba akitokea klabu ya Gor Mahia ambayo aliikacha baada ya kumaliza mkataba
Yuko kwenye kikosi cha Simba kinachoendelea na maandalizi tayari kukamilisha michezo ya mwisho ligi kuu ili kutetea ubingwa kwa msimu wa tatu mfululizo
Mabingwa hao wa nchi pia wamelipania taji la FA
