Kocha Mkuu wa Simba Sven Vandenbroeck amesema kiungo Mzambia Clatous Chama anatarajiwa kuwasili nchini Jumatatu, Juni 08 kuungana na wachezaji wengine tayari kwa ngwe ya lala salama ligi kuu ya Vodacom
Sven amesema nyota huyo atakaporejea atakuwa na program ya peke yake ya mazoezi ili kuhakikisha anakuwa sawa kabla ya kuungana na wachezaji wengine ambao walianza mazoezi tangu wiki iliyopita
"Chama ataingia Juni 8 na atakaporejea atalazimika kujifua kivyake kwa ajili ya kujiweka fiti kabla ya kuungana na wenzake katika mazoezi ya nguvu," alisema Sven
Mbelgiji huyo alisema mazoezi yanaendelea na wachezaji wote wako vizuri, huku akitarajia Francis Kahata na Ibrahim Ajibu leo kuungana na wenzake katika mazoezi ya kucheza mpira
Aidha kuhusu kiungo Sharaff Shiboub, Sven amesema kumekuwa na ugumu kumrejesha Msudan huyo kutokana na nchi ya Sudan bado imefunga mipaka
