Nahodha Msaidizi wa Simba Mohammed Hussein 'Tshabalala' amesema kikosi chao kinafanya maandalizi kabambe kuweza kurejea dimbani wakiwa katika ubora wao uliozoeleka
Tshabalala amewahakikishia mashabiki wa Simba kuwa wataendeleza pale walipoishia kwenye mchezo wao wa mwisho kabla ya ligi kusimama
Beki huyo mahiri wa kushoto, amesema kipaumbele cha kwanza ni kuhakikisha wanatetea ubingwa pamoja na kutwaa taji la FA
Aidha, ameongeza kuwa wamepokea kwa mikono miwili uamuzi wa ligi kuchezwa nyumbani na ugenini na kuwa utaratibu huo ndio uliokuwa ukitumika siku zote hivyo hautawasumbua
Kikosi cha Simba kinaendelea na mazoezi uwanja wa Mo Simba Arena wakijiandaa na mchezo wa kwanza wa ligi ambao utapigwa Juni 14 dhidi ya Ruvu Shooting
Upo uwezekano mkubwa mabingwa hao wa nchi watacheza angalau mchezo mmoja wa kirafiki wiki ijayo kabla ya kukumbana na Ruvu Shooting
