Mtendaji Mkuu wa Simba Senzo Mazingisa amemaliza uvumi unaomuhusu mshambuliaji wa Orlando Pirates Justine Shonga anayehusishwa na mabingwa hao wa nchi
Senzo amesema kuwa mpaka sasa Simba bado haijaanza michakato ya usajili wa wachezaji wapya, lakini pia nyota huyo kutoka Zambia sio miongoni mwa wachezaji walio kwenye mipango yao
"Nimeziona taarifa nyingi zinazomuhusisha mchezaji huyo (Shonga) na klabu yetu. Nafahamu wakati huu kuelekea usajili mambo mengi yanaandikwa kwenye magazeti. Lakini Simba hatujaanza usajili wa wachezaji wapya, bado dirisha la usajili halijafunguliwa
"Kwa sasa tunahakikisha tunamalizana na wachezaji ambao tutaendelea nao msimu ujao. Shonga ni mchezaji mzuri lakini hatukuwahi kuwa na mpango wa kumsajili kwani tunao washambuliaji wanaofanya vizuri hapa," alisema Senzo
Aidha, Bosi huyo raia wa Afrika Kusini, amesisitiza kuwa kikosi chao kiko imara hivyo hawatarajii kufanya usajili mkubwa pale dirisha la usajili litakapofunguliwa
Amesema mapendekezo waliyopewa na kocha Sven Vandenbroeck ni kwa ajili ya kuboresha sehemu chache zenye mapungufu
