Vinara wa ligi kuu Simba ambao ndio mabingwa wa nchi hii kwa misimu miwili iliyopita, Simba watamaliza kampeni ya kusaka ubingwa wa tatu ugenini kwenye mchezo wa mwisho Julai 26 dhidi ya Polisi Tanzania ambao utapigwa uwanja wa Ushirika, Moshi
Lakini wakati huo huenda wababe hao wa soka ukanda wa Afrika Mashariki watakuwa wameshatwaa ubingwa na mchezo huo utakuwa wa kukamilisha ratiba tu
Simba imeweka mkakati wa kuhakikisha inashinda michezo yote minne ya mwanzo ligi itakaporejea Juni 13
Ruvu Shooting itakuwa klabu ya kwanza kuujaribu 'mziki' wa mabingwa hao watetezi katika mchezo ambao utapigwa uwanja wa Taifa Juni 14
Juni 20 Simba itarejea tena katika uwanja huo kuikabili Mwadui Fc, katika mchezo ambao utazikutanisha timu hizo kwa mara ya tatu msimu huu
Mechi nyingine mbili zitakazofuata zitakuwa mkoani Mbeya dhidi ya Mbeya City na Tanzania Prisons
Simba itaumana na Mbeya City Juni 24 isha kurejea tena jijini Dar es salaam kucheza na Azam Fc mchezo wa kombe la FA
Itarudi tena Mbeya Julai mosi kuifuata Tanzania Prisons
Ushindi katika michezo hii minne huenda utaihakikishia Simba ubingwa wa tatu mfululizo
Baada ya mchezo wa Tanzania Prisons, Simba itaelekea Mtwara kuifuata Ndanda FC
