Kocha Msaidizi wa Simba Selemani Matola, amesema watahakikisha wanamsaidia mshambuliaji wa timu hiyo Meddie Kagere aweze kuvunja rekodi ya ufungaji bora ligi kuu ya Tanzania Bara
Mkongwe Mohammed Hussein 'Mmachinga' ndiye anayeshikilia rekodi ya kupachika mabao ligi kuu Tanzania Bara akiwa amefunga mabao 26
Akiwa amefunga mabao 19 mpaka sasa, Kagere atahitaji kufunga mabao nane tu katika mechi 10 zilizobaki kuweza kuvunja rekodi hiyo
"Tunataka kumsaidia Kagere aweze kuvunja rekodi ya mabao iliyodumu kwa miaka mingi. Tutampa nafasi katika mechi zote zilizobaki na tutamtumia zaidi katika nafasi nying ambazo tutakuwa tukitengeneza," alisema Matola
Kagere ametua nchini mapema na kujiunga na wachezaji wengine ambao wameanza mazoezi tangu Jumatano iliyopita
Ligi Kuu itarejea Juni 13, ambapo ratiba ya mechi zilizobaki itatolewa hapo kesho
