Jana baada ya mazoezi ya asubuhi, kocha mkuu wa Simba Sven Vandenbroeck alipata nafasi ya kuzungumza na wanahabari kufafanua masuala mbalimbali yanayokihusu kikosi cha mabingwa hao wa nchi
Miongoni mwa mambo aliyoyagusia ni hatma ya nyota watatu wa kigeni Clatous Chama, Francis Kahata na Sharaff Shiboub ambao bado hawajarejea nchini kuungana na timu
Sven alisema tayari wameandaa utaratibu kwa Chama na Kahata kuwasili wiki ijayo huku kukiwa na ugumu kwa upande wa Shiboub
"Hatuna wasiwasi na ujio wa wachezaji wetu Clatosu Chama na Francis Kahata, nafikiri wiki ijayo watajiunga nasi. Angalau nchi zao hazina masharti magumu katika suala la usafiri licha ya kuwa bado wamefunga mipaka. Lakini kwa Shiboub huenda tukalazimika kusubiri zaidi kwani masharti ya nchi ya Sudan Kusini ni tofauti," alisema
Aidha Sven amesema kikosi chake kiko kamili pamoja na kukosekana nyota hao, wanaendelea kujiandaa kumalizia mechi zilizobaki kuweza kutetea ubingwa
