Kiungo mshambuliaji wa Simba Shiza Kichuya amesema amezisikia kauli za mashabiki wa klabu hiyo juu yake hivyo watarajie kumuona yule Kichuya wanayemfahamu pale Ligi itakaporejea Juni 13
Kichuya alirejea Simba mwezi Januari mwaka huu akitokea klabu ya Pharco Fc ya nchini Misri
Nyota huyo ambaye msimu wa 2017/18 aliweka rekodi kwa kutoa pasi 27 za mabao, amesema ametumia muda wa mapumziko ya corona kufanya mazoezi makali ikiwa ni pamoja na kupunguza uzito
"Nilipokuwa Misri sikucheza kwa karibu miezi saba kutokana na sintofahamu iliyojitokeza kwenye mkataba wangu. Niliporejea Simba wengi walisema nimeongezeka uzito na siko vizuri kama mwanzo"
"Nawahakikishia nimefanyia kazi changamoto zote zilizokuwa zikinikabili na sasa wawe tayari kumpokea Kichuya yule wanayemfahamu," alitamba Kichuya
Kichuya ni miongoni mwa wacheazaji walioingia kambini kwenye kikosi cha Simba kujiandaa na ngwe ya lala salama ligi kuu ya Vodacom na kombe la FA
