Kocha Mkuu wa Simba Sven Vandenbroeck amesema msimu ujao atahitaji kikosi cha wachezaji 25 ambao atafanya nao kazi msimu mzima
Sven amesema miongoni mwa wachezaji hao, atahitaji wachezaji 20 wazoefu, wachezaji wawili kutoka timu ya vijana na walinda lango watatu
"Sina uhakika na idadi ya wachezaji ambao tutawasajili lakini jambo muhimu ni kuwa nahitaji kuwa na kikosi cha wachezaji 25 msimu ujao," amesema
"Sio zaidi ya wachezaji 20 wenye uzoefu, wawili kutoka timu ya vijana na magolikipa watatu"
Aidha akizungumzia mipango ya kikosi chake kumaliza msimu, Sven amesema wamejiwekea malengo ya kushinda mataji yote mawili yaani ligi kuu na kombe la FA
Hata hivyo amekiri kuwa watahitaji kupambana kushinda FA wakati ubingwa wa ligi kuu hana wasiwasi wako kwenye nafasi nzuri kuubakisha Msimbazi
"Tunahitaji kushinda angalau michezo minne kutwaa ubingwa wa ligi kuu, tunaongoza kwa alama 17 dhidi ya timu inayotufuata (Azam Fc) hivyo tuko na nafasi nzuri ya kutetea ubingwa. FA bado tutakuwa na ushindani na timu nne zilizo nafasi ya juu kwenye msimamo wa ligi, tutahitaji kupambana," aliongeza Sven
