Kocha Mkuu wa Simba Sven Vandenbroeck ameahidi kuwapa nafasi baadhi ya wachezaji ambao wamekosa namba kwenye kikosi cha kwanza kutokana na ushindani uliopo kwenye kikosi hicho
Kimahesabu Simba itahitaji alama 14 kuweza kutetea ubingwa wake kwa msimu wa tatu mfululizo. Ikiwa imebaki na mechi 10, ushindi katika michezo mitano, utatosha kuwapa ubingwa miamba hao wa soka ukanda huu wa Afrika Mashariki
Kocha huyo Mbelgiji amesema atahakikisha wanafanikiwa kutetea ubingwa wao, huku akiamini timu hiyo itakuwa na nafasi ya kuwatumia nwachezaji wengine ambao hawakutumika sana msimu huu
Aidha Sven ameeleza kufurahishwa na uamuzi uliochukuliwa na Mamlaka kwa kuagiza mechi zote kupigwa katika kituo kimoja
Amesema uamuzi huo utakuwa na faida kwa timu ambazo zitakuwa nyumbani lakini pia ni uamuzi sahihi katika jitihada za kudhibiti maambukizi ya corona
Simba iko kileleni mwa msimamo wa ligi ikiwa imejikusanyia alama 71, alama 17 zaidi ya Azam Fc inayoshika nafasi ya pili ikiwa na alama 54
Mabingwa hao wa nchi pia wako hatua ya robo fainali michuano ya kombe la FA. Juzi Mtendaji Mkuu Senzo Mazingisa akibainisha kuwa wanalitaka kombe hilo pia
