Serikali, Bodi ya Ligi (TPLB) na Shirikisho la Soka Tanzania (TFF), juzi walikutana na kujadili utaratibu utakaotumika ili kudhibiti virusi vya Corona ligi zitakaporejea kuanzia Juni 01
Kikao hicho kilizikutanisha Wizara ya Habari, Sanaa, Utamaduni na Michezo, Wizara ya Afya pamoja na viongozi wa TFF na wa Bodi ya Ligi, kilifanyika katika Ofi si za Baraza la Michezo la Taifa (BMT) zilizopo Uwanja wa Taifa jijini Dar.
Mkurugenzi wa Maendeleo ya Michezo, Yusuph Singo alisema kikao hicho kilikuwa maalum kujadili vitu ambavyo vitahitajika kwa wanamichezo na mashabiki katika wakati huu wa kupambana na Virusi vya Corona, licha ya kuwa TFF na TPLB walikaribishwa kusikiliza mchakato huo ili na wao wajue wanaisaidia vipi Serikali wakati michezo hiyo itakapoanza.
"Kikao chetu kilikuwa maalum kujadili misingi ya kiafya itakuwaje pindi ligi itakapoanza. Tumejadili muundo ambao utakuwa sahihi kuutumia ambao utakuwa unazilinda klabu, wachezaji na mashabiki wakati wa ligi
"TFF na BMT wao tulikaribisha kuja kusikiliza kile ambacho sisi tunakijadili, wao ndio wasimamizi wakuu hivyo watapaswa kuzingatia malekezo yote yakayotolewa, " alisema Singo.
Kwa sasa Serikali tayari imeviruhusu vilabu kuanza mazoezi ya pamoja chini ya utaratibu maalum wa kiafya
Bodi ya ligi inatarajiwa kuweka hadharani ratiba ya mechi zilizobaki baada ya sikukuu ya Eid El Fitri
