Moja ya mambo ambayo uongozi wa Simba umesema hautafanya msimu huu ni kusajili idadi kubwa ya wachezaji bila ya kuangalia mahitaji ya timu
Kocha Mkuu wa Simba Sven Vandenbroeck ametaka ufanyike usajili ambao utaziba mapengo machache kwa kuwa sehemu kubwa ya kikosi kiko sawa
Jana Mtendaji Mkuu wa mabingwa hao wa nchi Senzo Mazingisa alidokeza kuwa watafanya usajili kulingana na mapendekezo ya Sven lakini kwa sasa bado wanakamilisha kuwapa mikataba mipya nyota ambao mikataba yao imemalizika
Wachezaji sita wanatajwa kuwa tayari wamepewa mikataba mipya kuendelea kukipiga Msimbazi
Wachezaji hao ni Mzamiru Yassin, Shiza Kichuya, Hassan Dilunga, Said Ndemla, Deo Kanda na Paschal Wawa
Aidha Simba pia iko mbioni kuwaongeza mikataba Meddie Kagere na Clatous Chama ambao hata hivyo bado wana mwaka mmoja mmoja katika mikataba yao
