Hatma ya Shiboub mikononi mwa Sven

Kiungo fundi wa mpira Sharaff Elden Shiboub atakuwa huru mwishoni mwa msimu huu pale mkataba wake na Simba utakapomalizika

Nyota huyo aliyetua Simba usajili uliopita kwa mkataba wa mwaka mmoja akitokea El Hillal ya Sudan, bado yuko kwao Sudan ambako alirudi baada ya kuitwa timu ya Taifa kabla ya kuibuka kwa changamoto ya corona

Inaelezwa hatma yake imeachwa mikononi mwa kocha Sven Vandenbroeck

Pamoja na kutopata nafasi mara kwa mara kwenye kikosi cha Sven, Shiboub ni mmoja wa wachezaji ambao wamechangia kwa kiasi kikubwa ubingwa wa tatu ambao Simba inakwenda kuchukua

Amefunga mabao mawili na kutoa pasi sita za mabao na kuwa mmoja wa wachezaji vinara wa kutoa pasi za mabao msimu huu akizidiwa na Clatous Chama (8) na Meddie Kagere (7)