Kanda aumia akijifua

Wakati mashabiki na wachezaji wa timu za ligi kuu wakisubiri kutangazwa kurejea kwa mikiki mikiki ya ligi hiyo, winga wa Simba Deo Kanda amepata pigo kwa kuumia wakati akifanya mazoezi binafsi

Juzi Kanda alijumuika na wachezaji wengine katika mazoezi yaliyokuwa yakifanyika Ufukwe wa Escape One

Hata hivyo alishindwa kumaliza mazoezi hayo baada ya kupata maumivu ya kifundo cha mguu

Ni jeraha hilohilo ambalo lilimuweka nje kwa wiki kadhaa baada ya mchezo wa kwanza dhidi ya Yanga uliomalizika kwa sare ya mabao 2-2

Kanda aliumia katika mchezo huo baada ya kufunga bao la pili

Kanda aliyetua Simba kwa mkopo akitokea klabu ya TP Mazembe, yuko mbioni kusaini mkataba kamili na mabingwa hao wa nchi