Mshambuliaji wa Simba kinara wa mabao Meddie Kagere anatarajiwa kurejea wiki hii baada ya Rais wa nchi Dk John Magufuli kutangaza kuwa huenda akaruhusu safari za anga baada ya maambukizi ya corona kupungua
Kagere, kinara wa mabao ligi kuu ya Vodacom akiwa na mabao 19, alikwama kwao nchini Rwanda alikokuwa amekwenda kwa ajili ya majukumu ya timu ya Taifa
Ni baada ya Serikali ya Rwanda kufunga mipaka na kuzuia usafiri wa anga huku ikiweka lock-down kwa wananchi wote
Hata hivyo kama ilivyo Tanzania, Rwanda nayo imeanza kulegeza masharti wakiwa tayari wameondoa lock-down na watu kuanza kurejea katika shughuli zao
Aidha upo uwezekano mkubwa ligi kuu ya Vodacom itarejea mwanzoni mwa mwezi Juni
Kuruhusiwa kwa safari za anga nchini kumewapa ahueni nyota wa Simba waliokwama kwenye nchi zao kutokana na corona
Wachezaji wengine wa Simba ambao wako nje ya nchi ni Clatous Chama, Sharaff Shiboub, Francis Kahata na Luis Miquissone
