Kulingana na vyombo vya habari huko Uganda, klabu ya Simba imejitosa kumuwania kiungo wa KCCA na timu ya Taifa ya Uganda Muzamiru Mutyaba
Simba ambayo imepania kukiimarisha kikosi chake kwa ajili ya michuano ya ligi ya mabingwa, inasaka kiungo ambaye atashirikiana na Jonas Mkude
Klabu yake ya KCCA imebainisha kuwa tayari kumuachia nyota huyo kwa timu ambayo itawapa ofa nono
"Ni kweli kuna klabu nyingi zinawania kumsajili ikiwemo Simba, lakini tutaangalia ipi itakuwa na ofa nono. Kwa sasa lengo ni kuisaidia KCCA kutetea taji lake la Uganda, " kilieleza chanzo
Mutyaba alijiunga na KCCA mwaka 2015 akitokea SC Victoria University na kubaki kuwa mchezaji pekee aliyeichezea timu hiyo kwa muda mrefu tangu kuwasili kwa Mike Mutebi.
Amekuwa mchezaji muhimu katika mchango wa klabu hiyo ikitwaa mara tatu taji la Ligi Kuu ya Uganda, mara mbili Kombe la Uganda na Kombe la Cecafa
