Kocha Mkuu wa Simba Sven Vandenbroeck amewabadilishia program ya mazoezi wachezaji wake ili kuhakikisha wanakuwa tayari kwa ajili ya lala salama ligi kuu ya Vodacom
Vinara hao wa ligi kuu wanasubiri kipenga cha ngwe ya mwisho kipulizwe ili waondoke na 'ndoo' yao ya tatu mfululizo
Juzi benchi la ufundi likiongozwa na Sven kwa kushirikiana na madaktari wa Simba, waliendesha program ya kuwapima uzito wachezaji
Huu ni utaratibu ambao Simba iliweka ili kujiridhisha na maendeleo ya wachezaji katika kufanya mazoezi hasa wakati huu ambao wanafanya mazoezi binafsi kutokana na corona
Vipimo vya baadhi ya wachezaji vilionyesha kupungua uzito jambo ambalo ni ishara walikuwa wakifanya mazoezi zaidi ya kiwango walichotakiwa
"Kocha ametoa program nyingine ya mazoezi, katika kuhakikisha wachezaji wanakuwa tayari wakati wowote ligi itakapotangazwa kurejea. Mwalimu ameridhishwa na mwenendo wa wachezaji katika mazoezi, kikubwa amewataka kuzingatia zaidi kufanya mazoezi wanayoelekezwa," alisema Meneja wa Simba Patrick Rweyemamu
Mikiki mikiki ya ligi huenda ikarejea mwezi katikati ya mwezi Juni, kutegemeana na jinsi Serikali itakavyoelekeza
