Klabu ya Simba imefanikiwa kumshawishi winga Deo Kanda na wakati wowote atasaini mkataba wa miaka miwili kuendelea kuwatumikia mabingwa hao wa nchi, imefahamika
Kanda alitua Simba kwa mkopo akitokea klabu ya TP Mazembe kwa mkataba wa mwaka mmoja
Mkataba huo ambao unamalizika mwishoni mwa msimu, unamfanya mchezaji huyo kuwa huru kwani pia anamaliza mkataba na Mazembe ambayo hivi karibuni wametawazwa kuwa mabingwa wa ligi kuu ya DR Congo baada ya msimu kumalizwa kutokana na janga la corona
Klabu hiyo inayomilikiwa na Bilionea Moise Katumbi, ilikuwa kwenye mchakato wa kumuongezea winga huyo mkongwe mkataba mpya wakati huohuo Simba wakimshawishi aendelee kubaki Tanzania na mabingwa hao wa nchi
Kanda ameeleza kufurahia maisha yake katika klabu ya Simba, akitaja upendo wa mashabiki wa timu hiyo kumfanya afikirie kubaki Msimbazi
"Nimepokea ofa kutoka timu nyingi, lakini nimeishi vizuri hapa Simba, nimepewa hashima ya kipekee na mashabiki kili nilipoingia uwanjani. Na hii ndio sababu inayonifanya nitamani kubaki hapa kw amuda mrefu zaidi," alisema
