Siku za karibuni ziliibuka tetesi kuwa Simba inaweza kumsajili mlinzi wa kati wa klabu ya KCB na timu ya Taifa ya Kenya Mike Kibwage
Hata hivyo beki huyo kisiki amezisikia tetesi hizo na kubainisha kuwa bado hakuna mazungumzo aliyofanya na viongozi wa Simba lakini atakuwa tayari kujiunga na mabingwa hao wa nchi kama watamfuata
Nyota amesema Simba ni klabu kubwa katika ukanda huu wa Afrika Mashabiki hivyo itakuwa ngumu kwake kukataa kujiunga nao kama watamuhitaji
"Nimezisikia tetesi nyingi huko Tanzania kunihusu mimi kutakiwa na Simba, lakini kiukweli sijafanya mazungumzo na kiongozi yeyote. Lakini ikitokea wakanihitaji na wakanipatia ofa nzuri siwezi kupinga. Najua Simba ni timu kubwa Tanzania na hapa Afrika Mashariki"
Mkataba wake na klabu ya KCB utamalizika mwezi Oktoba mwaka huu
Simba inatarajiwa kusajili mlinzi mmoja wa kati ambaye atakuja kuwaongezea nguvu walinzi waliopo
Jina la Kibwage ni miongoni mwa majina ambayo yametajwa sana hapo Msimbazi. Walinzi wengine wanaohusishwa na Simba ni mzawa Bakari Nondo Mwamnyeto na Mghana Yacoub Mohammed anayechezea Azam Fc
