Beki kisiki wa Simba Pascal Wawa amesema kwa sasa amehamishia mazoezi yake ufukweni ili kujiimarisha zaidi hasa baada ya kutolewa taarifa kuwa ligi huenda ikarejea karibuni
Wawa ambaye ni mlinzi tegemeo kikosi cha Simba, amesema mazoezi hayo yatamuweka tayari kuisaidia Simba kutetea ubingwa wake kwa msimu wa tatu mfululizo
Beki huyo mkongwe amefichua kuwa anafanya mazoezi mara mbili kwa siku kwenye fukwe za Coco jijini Dar es salaam
"Katika ratiba yangu, ni lazima kila siku nifanye mazoezi. Wakati huu kila mchezaji anahitaji kujiweka sawa ili kuwa tayari kurejea uwanjani kumalizia msimu. Lengo letu ni kutetea ubingwa kwa msimu wa tatu," amesema
Wawa yuko kwenye kikosi cha Simba huu ukiwa msimu wake wa pili. Inaelezwa mkongwe huyo ataongezwa mkataba wa mwaka mmoja kuendelea kubaki Msimbazi
