Mtendaji Mkuu wa klabu ya Simba Senzo Mazingisa amesema huenda ligi kuu ya Vodacom itarejea mapema zaidi
Hivi karibuni Rais wa Jamhuri ya Muungano wa Tanzania Dk John Magufuli alibainisha kusudio lake la kuruhusu ligi hiyo iendelee baada ya kushauriana na wataalamu wake wa Afya
"Inawezekana tutarejea mapema zaidi kuliko ilivyokuwa ikidhaniwa. Hii ni habari njema sana kwetu," aliandika Senzo kupitia ukurasa wake wa mtandao wa Instagram
Wanamsimbazi wanasubiri kwa hamu kurejea kwa mikiki mikiki ya ligi ili kumalizia viporo kusherehekea ubingwa wa tatu mfululizo
Wakati ligi inasimamishwa mwezi March, Simba ilikuwa kileleni kwenye msimamo ikiwa imejikusanyia alama 71 baada ya kushuka dimbani mara 28
Azam Fc inayofuatia nafasi ya pili, imekusanya alama 54 wakati Yanga inashika nafasi ya tatu ikiwa na alama 51
