Kiungo fundi wa Simba Ibrahim Ajibu maarufu kama 'cadabra' au mzee wa 'makorokoro' amesema suala la kuambiwa ni mvivu halimsumbui kwani halikuanza leo
Ajibu amefichua kuwa hata wakati anaishi nyumbani kwao alikuwa akikumbana na changamoto hiyo
"Ngoja nikwambie ishu ya watu kusema mimi ni mvivu haikuanza leo na wala hainiumizi kichwa"
"Tangu naishi kwetu nimekuwa nikiambiwa kwamba mimi mvivu lakini ninajua ninachokifanya na shabaha yangu ilipo.
"Sikasiriki kuitwa mvivu, nafanya mazoezi yangu na ninafanya kile ninachoambiwa na makocha
"Leo hii naishi kwangu na bado ninaambiwa ni mvivu. Hivyo ni maneno tu ambayo hayaniumizi kichwa kwa sababu najua kile ninachofanya na mafanikio nayaona" aliongeza Ajibu
Juzi katika mahojiano yake na Mwanahabari ShaffihDauda, Ajibu alibainisha uamuzi wake wa kurejea Simba licha ya TP Mazembe kuwasilisha ofa ya kutaka kumsajili
"Nilichagua kucheza Simba kwa sababu walinipa ofa nzuri zaidi kuliko Mazembe na Yanga. Lakini pia niliondoka Simba nikiwa bado mdogo, sasa nimepevuka na ulikuwa ni wakati mwafaka kwangu kurejea"
