Leo ni siku muhimu sana kwa Mwekezaji wa klabu ya Simba, Bilionea Mohammed Dewji 'Mo' ambaye anaadhimisha kumbukumbu ya siku yake ya kuzaliwa
Mwenyekiti huyo wa Bodi ya Wakurugenzi, amekuwa chachu ya mafanikio ya klabu ya Simba katika misimu mitatu iliyopita
Ameingia Simba akiwa na malengo makubwa, amefanya mambo kwa vitendo kuweza kufikia malengo hayo
Kushinda ubingwa wa ligi kuu kwa misimu mitatu mfululizo sio jambo jepesi lakini chini yake, jambo hilo linakwenda kutimia pale ligi itakaporejea
Mwaka juzi Simba imefika robo fainali ya michuano ya ligi ya mabingwa barani Afrika. Ni historia nyingine muhimu sana ambayo imepatikana chini yake
Mo amebainisha kuwa lengo kuu sasa ni kutwaa ubingwa wa Afrika na amejiwekea malengo ya kukamilisha jambo hilo katika kipindi cha miaka mitano
Tunamtakia kila la kheri kwenye siku hii muhimu kwake
Happy BirthDay Mo...!
