Yule mshambuliaji rasta aliyekuwa akicheza klabu ya Asante Kotoko ya Ghana, Yacouba Sogne ni miongoni mwa wachezaji wanaohusishwa kuwaniwa na mabingwa wa nchi, Simba
Katika ripoti ya kocha Sven Vandenbroeck, inaelezwa Mbelgiji huyo ametaka kuongezewa mshambuliaji mmoja ambaye atashirikiana na Meddie Kagere na John Bocco ambao bado wanaendelea kudunda Msimbazi kwa kuwa wana mikataba ya muda mrefu
Kulingana na gazeti la Mwanaspoti, Simba imepokea taarifa za Yacouba kupitia wanaojitambulisha kuwa Mawakala wake ambao wametuma taarifa zao kwa Mtendaji Mkuu wa mabingwa hao wa nchi Senzo Mazingisa
Senzo ameeleza kuingiwa na wasiwasi kutokana na msululu wa taarifa anazotumiwa kutoka kwa Mawakala hao hivyo upo uwezekano mkubwa watampotezea
Pamoja na kuhusishwa na Yacouba ambaye amemaliza mkataba kunako klabu ya Asante Kotoko, mabingwa hao wa nchi pia wanatajwa kumuwania mshambuliaji wa Orlando Pirates, Mzambia Justine Shonga
Inaelezwa uwepo wa Senzo, unaweza kurahisisha upatikanaji wa mshambuliaji huyo licha ya kudaiwa kuwa thamani yake ni zaidi ya Tsh Bilioni 1.6
Mwezi Januari Senzo aliiwezesha Simba kumnasa winga Luis Miquissone kutoka klabu ya Mamelodi Sundons ambaye alikuwa akicheza kwa mkopo UD Songo
