Unakumbuka staili ya ushangiliaji ambayo aliitumia kiungo mshambuliaji wa Simba Hassan Dilunga baada ya kuwatungua waajiri wake wa zamani Mtibwa Sugar mchezo wa ligi kuu uliopigwa Februari 11 mwaka huu kwenye uwanja wa Jamhuri na Simba kuondoka na ushindi wa mabao 3-0?
Baada ya kufunga moja ya mabao kwenye mchezo huo, Dilunga alikwenda kwenye kibendera cha kona na kuonyesha ishara ya kupigana na kibendera hicho na baadae kuwaomba radhi mashabiki wa Mtibwa ambao bado wanamkumbuka
Sasa nyota wa zamani wa Everton Tim Cahil kupitia ukurasa wake wa mtandao wa Twitter alibandika video ya tukio hilo ambayo imepata umaarufu sana duniani
Dilunga amelizungumzia tukio hilo kama faraja kubwa kwake hasa ikizingatiwa heshima aliyonayo Cahil kwenye ulimwengu wa soka
"Kwa kweli nimejisikia furaha sana kwa Cahil kutumia muda wake kuposti video ile kwenye ukurasa wake. Nilipofanya jambo lile sikuwa na fikra kuwa siku moja litakuwa kubwa na kuonekana dunia nzima, nafurahi kwa utambuzi huo niliopewa"
Enzi zake Cahil naye alikuwa akitumia mtindo huo wa kushangilia kwa kupigana na kibendera cha kona pale alipofunga bao
Dilunga ameahidi kuendelea na mtindo huo wa ushangiliaji kila atakapofunga wakati mwingine
