Mtendaji Mkuu wa klabu ya Simba Senzo Mazngisa amesema tamko la Rais wa Tanzania Dk John Magufuli limewapa faraja kuwa ligi itarejea na kuwa na uhakika wa kutetea ubingwa wao kwa kucheza mechi zilizobaki
Senzo amesema klabu ya Simba imejipanga kuendeleza pale walipoishia kwa kuwa hesabu zao ni kuchukua ubingwa kwa kumalizia mechi zilizobaki kwa kishindo
Amesema wanasubiri maelekezo ya TFF ili wawarejeshe wachezaji wao kwa ajili ya mazoezi
"Tumeipokea kwa furaha kauli ya Rais Magufuli, imetupa faraja sasa tunaweza kurejea kwenye soka muda siyo mrefu. Lakini bado tunaendelea kusubiri TFF na Bodi ya Ligi itoe tamko kabla hatujatoa tamko lolote la kuanza kwa programu zetu, " amesema Senzo.
Wakati ligi ikiwa imesimama kwa zaidi ya siku 49, benchi la ufundi la klabu ya Simba liliwapa wachezaji program maalum ya mazoezi ambayo wanafanya huko majumbani kwao
Kocha Sven vandenbroeck amesema wamekuwa wakifuatilia program hizo ambapo pia amesema wachezaji wote watakaporejea watajiridhisha kama walikuwa wakifuata maelekezo waliyowapa
