Taarifa za chinichini ni kuwa uongozi wa klabu ya Simba unamnyemelea kiungo mkabaji wa AS Vita Mukoko Tonombe ili kuongeza nguvu kwenye kikosi chake kuelekea michuano ya ligi ya mabingwa msimu ujao
Nyota huyo ni mmoja wa wachezaji tegemeo wa kikosi cha AS Vita, alikuwa na msimu mzuri kabla ya ligi kusimama kutokana na changamoto ya ugonjwa wa corona
Mukoko amefichua kuwa uongozi wa klabu ya Simba umewasiliana na klabu yake ya AS Vita wakimuulizia huku akiwa tayari amezungumza na mabosi hao
Mukoko ambaye pia anaweza kucheza nafasi ya ulinzi wa kati, amesema anasubiri ofa rasmi kutoka kwa mabingwa hao wa nchi huku akisisitiza kama atapewa ofa nzuri hatakuwa na tatizo kuja kucheza soka Tanzania
Hata hivyo Mukoko amesema Simba itapaswa kumalizana na AS Vita kununua sehemu ya mkataba wake uliobaki ili aweze kuruhusiwa kujiunga na wekundi hao wa Msimbazi
