Ndemla anasubiri kumwaga wino Simba

Kiungo wa Simba Said Ndemla ni miongoni mwa wachezaji ambao wataendelea kuwatumikia mabingwa hao wa nchi msimu ujao

Kumekuwa na mjadala kuhusu hatma ya kiungo huyo lakini mwenyewe hivi karibuni aliwataka wote wanaomshauri aondoke Simba watulie kwa kuwa mwenyewe ameridhika kuendelea kubaki Msimbazi

Taarifa za uhakika ni kuwa Ndemla tayari ameshapewa mkataba mpya ambao utamfanya aendelee kubaki Msimbazi kwa muda mrefu

Nyota huyo aliyeitumikia Simba kwa misimu nane, alikuwa akisikilizia mpango wake wa kwenda kucheza soka nchini Sweden hata hivyo huenda jambo hilo lisifanikiwe na atasaini mkataba mpya Simba