Beki kisiki wa Simba Paschal Wawa amesema anataka kuona Simba inasajili watu wa kazi kwa ajili ya msimu ujao katika kila nafasi ikiwemo nafasi yake ya ulinzi.
Beki huyo mkongwe amesema anafurahia kuona akiwa na wachezaji wapya ndani ya kikosi cha Simba kwani wengi waliosajiliwa wanafanya vizuri kwa manufaa ya timu.
"Hata wakiletwa mabeki wawili ama watatu waje tu Simba, huwezi kuzuia klabu kufanya usajili na kwa namna ambavyo unapata changamoto unakuwa bora zaidi, hilo ni jambo zuri iwapo litatimia"
"Ninapenda kuona kwamba wakati wa usajili klabu inasajili wachezaji wazuri ambao watakuwa na nafasi ya kutimiza majukumu yao kama ambavyo wanafanya wengine ambao wamesajiliwa hapa," Wawa aliliambia gazeti la SportXtra
Klabu ya Simba inatarajiwa kuiongozea nguvu safu yake ya ulinzi kwa kusajili wachezaji wapya jambo ambalo litawapa changamoto mabeki waliopo
Kwa sasa Simba imekuwa ikiwategemea zaidi Wawa na Erasto Nyoni lakini umri wao unatajwa kuwa ni inaweza kuwa changamoto msimu ujao hasa kwenye michuano ya ligi ya mabingwa ambayo Simba imepanga kuipa kipaumbele
